Պավել Դուրովը` մտքի, կամքի, ազատության եւ կորպորացիաների մասին

«Միտքը մեր ամենահզոր գործիքն է։ Չկա ոչինչ, որ նա չկարողանա իրագործել»։

Հոկտեմբերի 10-ին լրացավ Պավել Դուրովի 37 ամյակը: «ВКонтакте» սոցիալական ցանցի և Telegram մեսենջերի հիմնադիրը՝ 2018 թվականից ի վեր, Forbes-ի վարկածով համարվում է Ռուսաստանի և աշխարհի ամենահարուստ գործարարներից մեկը`ում կարողությունը այժմ գնահատվում է 17,2 միլիարդ դոլար, իսկ աշխարհի ամենահուրստ մարդկանց շրջանակում զբաղեցնում է 112-րդ հորիզոնականը: Տարիների ընթացքում նրան հաջողվել է ստեղծել իր սեփական կրիպտոարժույթը՝ Gram և TON բլոկչեյնը, ջնջել իր Facebook-ի հաշիվը, խոսել Սաուդյան Արաբիայի արքայազնի հետ և պաշտոնապես հաղթել Ռոսկոմնադզորին՝ Ռուսաստանում աշխատելու իրավունքի համար մղվող պայքարում: Այս հոդվածում կգտնեք գործարարի կողմից արված ամենակարևոր մեջբերումները, որոնք թույլ տվեցին նրան նվաճել մեծ բարձունքներ:

Մտքի եւ կամքի մասին

Հաջողության հասնելու հիմնական որակը՝ համառությունն է: Համառությունը դա նույն ռազմավարության կրկնելը չէ, որը չի աշխատում: Համառությունը դա նպատակին հասնելու մոտեցումները փոխելու ունակությունն ու ընդունակությունն է, որը թույլ կտա ձեզ գտնել ամենաարդյունավետ ռազմավարությունը: Երբ դուք գտնեք այդ, արժե առավելագույն ջանքերը կենտրոնացնել դրա վրա և չկանգնել մինչև այդ ջանքերի պտուղ տալը:

Մեկ տարի առաջ ես լրացուցիչ սահմանափակումներ մտցրի իմ սննդակարգի մեջ՝ ոչ մի գլյուտեն պարունակող սնունդ՝ հացաբուլկեղեն և այլն, ոչ կաթնամթերք, ոչ ձու, ոչ ֆրուկտոզա: Ես դա արեցի արտադրողականությունն ու մտքի հստակությունը բարձրացնելու, ինչպես նաև կամքի ուժն ու ինքնակարգապահությունը մարզելու և զարգացնելու համար:

Մեկ այլ տեխնիկա, որն օգտագործում եմ կամքի ուժը բարելավելու համար, ամեն ձմեռ սառցաջրում լողալն է՝ Ֆինլանդիայում կամ Շվեյցարիայում:

Ծոմապահությունը ևս հիանալի միջոց է թույլ տալու, որ ձեր մարսողական համակարգը մաքրվի և վերագործարկվի, ինչպես նաև թույլ տա, որ ձեր իմունային համակարգը աշխատի այլ բաների վրա, բացի անընդհատ ընդունվող սնունդը մաքրելուց:

Միտքը մեր ամենահզոր գործիքն է։ Չկա ոչինչ, որ նա չկարողանա իրագործել

Ստեղծագործ և արդյունավետ լինելու համար մենք նախ մեր միտքը պետք է մաքրենք անհամապատասխան կոնտենտի կպչուն ցեխից, որն ամեն օր առաջարկվում է մեզ և ողողում մեր ուղեղները «առաջարկությունների ալգորիթմներով»: Եթե ​​ցանկանում ենք վերականգնել մեր ստեղծագործական ազատությունը, ապա նախ պետք մեր ձեռքը վերցնենք մեր մտքի վերահսկողությունը:

Ռուսաստանի Մասին

Ռուսաստանի իշխանություններն իրենց ձեռքերով խեղճացնում են լոկալ ՏՏ շուկան՝ համացանցի ռուսական հատվածի իրական «ինքնիշխանության» մնացորդները կամավոր հանձնելով ԱՄՆ-ի վերահսկողությանը՝ տասնյակ միլիոնավոր ռուս քաղաքացիների տվյալների հետ միասին։

Այսօր ռուսական իշխանությունները փորձել են կոտրել Եկատերինբուրգում բողոքի ցույցերը լուսաբանող չորս լրագրողների։ Բարեբախտաբար, այս բոլոր փորձերը ձախողվել են երկփուլ ստուգման շնորհիվ։ Դա հիշեցում է այն մասին, որ ավտորիտար կառավարությունները ոչնչի առաջ կանգ չեն առնի, որպեսզի խախտեն իրենց քաղաքացիների անձնական կյանքի անձեռնմխելիության իրավունքը։ Մենք կոչ ենք անում օգտատերերին նման երկրներում երկու անգամ ստուգել, թե արդյոք նրանց մոտ միացված է համակարգեր մուտք գործելու երկփուլային վավերացումը։

ԱՄՆ-ի մասին

Միացյալ Նահանգները ամենալավ վայրը չէ ապրելու կամ ՏՏ բիզնես վարելու համար: Համոզված եմ, որ եթե կա ընտրություն, բոլորը, ովքեր ցանկանում են հեռանալ Արևելյան Եվրոպայից, անպայման պետք է հաշվի առնեն այլ տարբերակներ:

Ամերիկյան ընկերության անվտանգ կապին վստահելը մինչ օրս միամտություն էր: Բայց այսօրվանից սա բացարձակ խելագարություն է:

Արևմտյան աշխարհում շատերը չեն հասկանում, թե ինչպես են հարկերը սահմանափակում իրենց հնարավորությունները: Դուք ի վերջո վճարում եք ձեր եկամտի գրեթե կեսը որպես հարկ, ինչը նշանակում է, որ դուք աշխատում եք կառավարության համար տարեկան 180 օր:

Տասնամյակներ շարունակ Միացյալ Նահանգները դիտվում էր որպես ազատ առևտրի և ազատ խոսքի ջատագովը: Բայց հիմա, երբ Չինաստանը սկսեց փոխարինել նրանց որպես համաշխարհային առևտրի հիմնական շահառու, Միացյալ Նահանգները (կամ գոնե Թրամփի վարչակազմը), կարծես, ավելի քիչ ոգևորված են այդ արժեքներով:

Ֆրանսիայի մասին

Ես ֆրանսիական մշակույթի, արվեստի, դիզայնի, ճարտարապետության, խոհանոցի, պատմության և լեզվի մեծ երկրպագու եմ: Ֆրանսիան, անկասկած, առաջիկա տարիներին էլ ավելի մեծ դեր կխաղա համաշխարհային մշակույթի և տնտեսության մեջ:

Apple-ի և Google-ի մասին

Apple-ն ու Google-ը հավելվածների խանութներում խելագար 30% վաճառքի հարկ են սահմանում աշխարհի բոլոր թվային ապրանքների վրա: Արդյունքն այն է, որ օգտվողները վճարում են ավելի բարձր գներ, սկսնակ ձեռնարկություններն ու ամբողջ արդյունաբերությունը ոչնչանում են կամ չեն հայտնվում: Կարգավորող մարմինները 10 տարի անտեսում էին այս անհեթեթությունը: Apple-ի մենաշնորհային իշխանության չարաշահումը դադարեցնելու լուծումը պարզ է. Թույլ տվեք օգտվողներին տեղադրել ծրագրեր ուղղակիորեն կամ այլընտրանքային հավելվածների այլ խանութներում:

Apple-ը հսկայական ռեսուրսներ է ծախսում PR-ի և լոբբինգի վրա` իր մենաշնորհային դիրքը պահպանելու համար:

Apple-ի և Google-ի քաղաքականության փոփոխություններն անխուսափելիորեն կազդեն Telegram-ի վրա, քանի որ նրանք, որպես բջջային երկու հիմնական օպերացիոն համակարգերի ստեղծողներ, գտնվում են տեղեկատվության բաշխման շղթայի վերևում և կարող են թելադրել խաղի կանոնները մեզ նման մշակողներին: Սա տխուր է, բայց սպասելի. Ես մեկ անգամ չէ, որ գրել եմ, որ Apple-Google օլիգոպոլիան սպառնում է խոսքի ազատությանը:

Սթիվ Ջոբսի մահից ինը տարի անց, ընկերությունը դեռևս ապրում է իր ստեղծած տեխնոլոգիայով և համբավով՝ առանց որևէ գիտելիքի:

Apple-Google դուոպոլիան ազատությունների համար շատ ավելի մեծ խնդիր է, քան Twitter-ը: Apple-ն այս երկուսից առավել վտանգավորն է, քանի որ այն կարող է լիովին սահմանափակել ծրագրերի օգտագործումը, մինչդեռ Android-ում կարող եք տեղադրել ձեր սեփական ծրագրերը որպես APK ֆայլեր:

Apple-ը երկու անգամ շահագործում է հավելվածների մշակողներին՝ որպես անվճար աշխատուժ՝ իր սմարթֆոնների համար մրցակցային առավելություն ստեղծելու համար, և որպես գերշահույթի աղբյուր ՝ իրենց ծառայությունների վաճառքից 30% հարկ գանձում:

Հավելվածների մշակողները զգալի ռեսուրսներ են ծախսում իրենց նախագծերի ստեղծման, պահպանման և առաջմղման համար: Նրանք կատաղի մրցակցում են միմյանց հետ և կրում են հսկայական ռիսկեր: Մյուս կողմից, Apple-ը գործնականում միջոցներ չի ներդնում իր հարթակում երրորդ կողմի ծրագրերի ստեղծման մեջ և ոչինչ չի վտանգում, բայց երաշխավորված է ստանալ նրանց շրջանառության 30%-ը: Գրեթե նույնքան տխուր է Google-ի Android սմարթֆոնների մշակողների համար:

Apple-ը կախված է իր սմարթֆոնների վաճառքի կառավարության հաստատումներից, ուստի նրանք ուրախությամբ խաթարում են մասնավոր տվյալները: Նրանք անում են այնպիսի գործեր, ինչպիսիք են, օրինակ, Չինաստանում iCloud տվյալների կենտրոնների ստեղծումը: Google-ն ավելի քիչ է կախված կառավարության հաստատումներից և (գոնե բացահայտ) չի անում խենթություններ, ինչպիսիք են Չինաստանի տվյալների փոխանցումը:

Ի տարբերություն Apple-ի, Google-ը մի քանի կատեգորիաների մենաշնորհ է և չի ստանում առավելագույնը սարքավորումների վաճառքից:

Կորպորացիաների մասին

Խոշոր կորպորացիաները օգտագործում են մարքեթինգը մեզ խաբելու համար, որ մեր բոլոր խնդիրների լուծումը ավելի շատ ապրանքներ գնելն է: Երբ մտնում ես սպառման անվերջ ճանապարհորդության մեջ, ընկնում ես մի ծուղակ, որը նախատեսված է քեզ դժբախտ և ընկերություններին երջանիկ դարձնելու համար:

Իսկական ստեղծագործական կարողությունները հազվադեպ են հանդիպում այն ​​կազմակերպություններում և հասարակություններում, որոնք կառուցված են չափից ավելի հիերարխիայի և անձնական ինքնավարության բացակայության վրա:

Այսօր Apple-ն ու Google-ը գրաքննում են մեր հեռախոսների տեղեկատվությունն ու ծրագրերը, իսկ Visa-ն և Mastercard-ը սահմանափակում են այն ապրանքներն ու ծառայությունները, որոնց համար մենք կարող ենք վճարել: Ամեն տարի մենք ավելի ու ավելի շատ ուժ և վերահսկողություն ենք տալիս մեր կյանքի վրա մի բուռ կորպորատիվ ղեկավարների, որոնց մենք չենք ընտրել:

Ռեսուրսների մասին

Ի տարբերություն կորպորատիվ ախորժակների, մեր մոլորակի ռեսուրսները սահմանափակ են: Մենք շատ արդյունավետ ենք դարձել այն իրերի պատրաստման և վաճառքի մեջ, որոնք մեզ պետք չեն, բայց մոլորակը պետք է վճարի հաշիվները:

Հուսով եմ, որ մի օր մենք՝ որպես տեսակ, անվերջ սպառման ինքնաոչնչացնող ուղուց կդառնանք ինքներս մեզ և մեզ շրջապատող մարդկանց համար ավելի լավ աշխարհ ստեղծելու ճանապարհին:

Արժեքների մասին

Իմ իրական երջանկությունը կայանում է նրանում, որ ես բավականին վաղ հասկացա, որ ամենաարդյունավետ գործունեությունը ինչ որ բաներ ստեղծելն է, այլ ոչ թե դրանք սպառելը: Այսպիսով, զբոսանավեր, ինքնաթիռներ և թանկարժեք անշարժ գույք գնելու փոխարեն, ես կենտրոնացա այն ամենի վրա, ինչ ինձ ամենաշատն էր դուր գալիս՝ ստեղծելով սոցիալական հարթակներ, որոնք (հուսանք) օգուտ կբերեն մարդկությանը:

Ես համարում եմ, որ ուրիշների համար ինչ որ բաներ ստեղծելու ունակությունը իմ ամենաթանկարժեք և օգտակար միջոցն է: Ես կասկածում եմ, որ իմ սիրած գործով զբաղվելն է իմ հարստանալու պատճառներից մեկը, որ փողն ինձ համար երբեք կարևոր նպատակ չի եղել:

Ինձ համար հաջողությունը հնարավորություն է ՝ ժամանակ տրամադրել ստեղծելու այն, ինչ սիրում եմ:

ԶԼՄ-ների մասին

Նրանք ամեն օր [լրատվամիջոցները] զոհաբերում են ճշմարտությունը՝ ավելի շատ գովազդ վաճառելու համար:

Անձնական տվյալների մասին

Պետք է խոստովանել, որ չնայած գաղտնագրման և գաղտնիության ոլորտում մեր բոլոր առաջընթացներին, մենք շատ քիչ վերահսկողություն ունենք մեր տվյալների վրա:

Մինչ այժմ, մինչ շուկայի ներկայիս մենաշնորհացումը մեծացնում է ծախսերը և խախտում միլիարդավոր մարդկանց գաղտնիությունն ու ազատ խոսքը, պետական ​​պաշտոնյաները դանդաղ են գործում: Հուսով եմ, որ այն լուրերը, թե հենց իրենք են դարձել վերահսկողության թիրախ, քաղաքական գործիչների մտափոխության պատճառ կդառնա:

Ազատության մասին

Սովորաբար մենք հավատում ենք, որ աշխարհը տարեցտարի դառնում է ավելի լավը։ Բայց երբ խոսքը վերաբերում է անհատական ազատություններին, ամեն ինչ հակառակն է ։ Շատ հետազոտություններ ցույց են տալիս, որ մարդկությունը այժմ ավելի քիչ ազատ է, քան մի քանի տարի առաջ.